Tüddelkrom

Mien Fründ vertellt giern vun dat un dat.
Un af un to denk ik, he tüddelt nu bloot rüm.
Tüddeln heet nich, dat he legen vertellt.
He versöcht Döntjes to moken , Tüddelkrom.

In de Warkstäebank is vöölklörig Tüddelkrom
vun den afbrakenen Schruver bet to’n Greep .
Fraag ik, Grootvader dröff ik dat ole Warktüüg hebben,
seggt he, ne Jung laat mi mien de Tüütjes läggen.

Elkeen kennt wiss ok Grotmoders Köökladen
nix is spannender as dar op Deckensreis to gahn.
Ik finn hier en Doos mit Knööp un kakeliges Sliepeband.
In en Striekholtschachtel seh ik en verdreiht Parlenkeed.
Un wenn ik Oma fraag, secht se, is bloot Tüddelkrom

De Jungs dregen jümmers ehr Besitt in de Büxentasch.
Eerst, wenn Moder de Büx waschen wull verschwindt
so vööl Bünnelband un Plunder ünner de Matratz.
Leeve laat mi man mien Haavk un goot, mien Tüddelkrom.

© Ilona Pagel

---

Tüddelkram - Übersetzung
Mein Freund erzählt gerne von dies und das.
Und ab und zu denke ich, er tüddelt nur rum.
Tüddeln heißt nicht, dass er Lügen erzählt.
Er versucht witzige Geschichten zu machen, eben Tüddelkram.

In der Werkstattbank ist vielerlei Tüddelkram,
vom abgebrochenen Schraubendereher bis zum Türgriff.
Frage ich Opa darf ich das kaputte Werkzeug mitnehmen,
sagt er, Junge lass meine Schätze liegen.

Jeder kennt gewiss auch Großmutters Küchenlade,
nichts ist spannender als dort auf Entdeckungsreise zu gehen.
Ich finde hier eine Dose mit Knöpfe und buntes Geschenkeband.
In eine Streichholzschachtel sehe ich eine zerrissene Perlenkette.
Und wenn ich Oma frage sagt sie, es ist nur Tüddelkram.

Die Jungs tragen immer noch ihr Besitz in den Hosentaschen.
Erst wenn Mutter die Hose waschen will verschwindet
so manches Tüdelband, so mancher Plunder unter die Matratze.
Liebste Mama, lass mir mein Hab und Gut, mein Tüddelkram.